الحلول السريعة والسحرية

السلام عليكم ورحمة الله وبركاته
اذا كنت موظفة او بتدرسي او حتى ست بيت اكيد بتقعي في زنقات او تدبيسة او ضيف مفاجئ هناك بعض الأشياء التي لابد ان توجد في الفريزر على جنب للزنقة
1- كمية من العصاج مقسمة في اكياس صغيرة (تنفع قوي في العزايم الفجائية)للمكرونة او الخضار بالبشاميل

2- كمية من التسبيكة الجاهزة يعني البصل +الصلصة +السمنة على النار ولما تتسبك تتعبى في علب صغيرة او اكياس صغيرة

3- خضرة المحشي متقطعة ومعبأة في اكياس وممكن تعملي خلطة المحشي كلها من غير الرز يعني يادوب تغسلي عليها الرز والسمنة او الزيت وخلاص

4- خضرة القلقاس حسب الطريقة المضلة لديك تعملي كمية كبيرة وتعبيها في علب الزبادي الغيرة على قد طبخة واحدة

5- توم متقشر فصوص في برطمان (احلى من المفروم واسهل من انك تقشري توم في ساعتها)

6- ممكن تحمصي شعرية ناشفة وتشليها في برطمان يعني تجيبي كيس الشعرية وتحطيه في حلة او صينية وتحطيه على نار هادئة مع التقليب المستمر بدون اي مادة دهنية لما يحمر تحطية في علبة وتستخدميه على طول

7- بسطرمة مفرومة تجيبي البسطرمة مخلية او تخليها انت (يعني تشيلي خلطة الحلبة والتوم الخارجية) وعدين تفرميها وتشليها في علبة في الفريزر لازم الفريزر وساعة ما تستخدميها تطلعي منها وتعمليها مع البيض احلى من تقطيعها.
8- لو عندك عزومة انقعي البصل في ميه من بليل تاني يوم الصبح حتلاقية بيتقشر بسرعة جدا كذلك التوم.
9- شربات الكنافة اعملي حلة كبيرة 2 كجم سكر مع لتر ماء و5 ليمونات يغلي كويس وشيلي في الثلاجة.
10 حشو القطايف والكنافة اعملي كمية وشيلي في الفريزر.
11 احشي القطايف بس بالمكسرات مش بالقشطة واقفليها وشيليها في الفريزر .
flower

ويارب تكون مفيدة لكم

الف شكر على الموضوع

طيب طمنتيني ياصافي انك محضره نفسك علشان لما اطب عليكي ضميري ميانبنيش

افكار حلوة اوى ياصافى وبتنفع حتى اللى قاعدة فى البيت لانها بتوفرلها الوقت

مشكووووورة يالغلا

» الوجبات السريعة والحلويات قد تسبب الاكتئاب