جربتوا ايه من أوريفليم ........

مشكوره يا نونا علي الفكره وان شاء ننفذها وانا قريب ان شاء الله بعد ما أرجع من يومين اجازه كده حنزلكم سلسله مواضيع عن الاستخدام الأمثل لمنتجات اوريفليم وكيفية العنايه بالبشره والشعر والجسم واليدين وكيفيه الإختيار الأمثل للمنتجات علي حسب حاجه كل واحد

هاي ازيكوا؟؟؟؟؟؟
انا بقي بالنسبة للبرفانات بحب الديفين جدااا والبريشز والايكلا سبورت
المكياجات والكريمات كريم جورداني وكريم اساس وبودرة ولوشن بيوتي
والصابونة الاسكرب الزرقا
وكريم الايدين اللي باللوز
وماسك الايدين

انا كمان حبه اقول ايه المنتجات اللى استعملتها وعجبتى بالنيبه للبرفانات ديفين الزرقا واللوشيا وجيوادانى وايت بجد واوووو تحفه وكمان دايموند ماسك عجبانى برده وبريشيز حلوه وفاير بحبها برده وكانت عندى وخلصت ده بالنسبه للبرفيوم الحريمى اما بالنسبه للرجالى فاللى جبتهم لاخواتى وحبوهم هما سول وايكلا سبورت شمتها ف الفرف بس مستنيه لما ينزل عرض علشان اجبها وكمان جلاسير الزرقا انا شخصيا بحبها حدا بس فيه ناس مش عجباها وطبعا البرفيوم اذواق ف الاخر وكمان نسيت اقولكم انى جربت ميس اوه البمبى بجد ديه بقى تحفه وبموت فيها وهاديه جدااا ومنعشه اوى
اما بالنسبه للماكياجات فانا مش جيبت لنفسى حاجات كتير منها بس جيبت لاصحابى وشكروا فيها ومن الحاجات الحلوه اوى كل منتجات جيوردانى طبعا ومفيش خلاف عليها على ماعتقد وهى كريم الاساس الدرجه الاولى وكمان الدرجه الثانيه والماسكرا بتاعتها والبودر بتاعتها حلوه اوى برده وكمان فيه كريمات ليل حلوه اوى اللى هى منها مجموعة اوبتيمالز الخضرا للبشره الدهنيه بس فيه جل كده بيستخدم زى كريم الاساس بينزل على طول ب 24 جنيه مش حلو ده انا استعملتها ومش عجبنى خالص وكمان الشاور جل بتاع ميلك اند هانى اخدته ف برنامج الترحيب السنه اللى فاتت وريحته حلوه اوى وكمان فيه ماسكرا اللى هى من الناحيتين ديه ناحية ابيض وناحيه اسود ديه جامده موووت ديه الحاجات اللى فاكره دلوقتى بس فيه حاجات تانيه واللهى بس مش فاكره دلوقتى

فكرة الموضوع جميلة اوى اوى

وانا كمان جربت مجموعات كبيرة جداا من منتجات اوريفليم

واكيد ليا كلام تانى داخل الموضوع عشان اقولكم المنتجات اللى ليا تجارب معها

أنا استخدمت كونسيلير Absolute Concealer for Eyes - Pink
Code: 12819 بس معجبنيش خالص لما بقوم بوضعة مش بيدارى الهالات السوداء خالص و البشرة بتشربة و بيجير معجبنيش خالص انا بشرتى جافة و هو كونسيلر سائل يعنى مفروض يتوافق مع بشرتى
ياريت اللى جربوه يقولولى عمل معاهم كده و لا لأ

في البرفانات كان سيلين وكانت بعد ماتترش ريحتها بتغير ومدية على ليمون المهم انها مش عجبتني بس طبعا جيوراداني وايت جول رهييييييييييبة وجنان وجربت ماسكرا جيورداني والالي لاينر وكان هايل وماسكرا فيجنز برضة كويسة وروج فيجنز كان هايل وكمان جبت روج من اوريفليم كان صنع روسيا بس كان وحش قوي ومش بيعمل لون حتى جربت ماسك الطين اللي كان بينزل مع ماسك الطماطم وكان وحش وكمان منتجات شجرة الشاي كويسة بس الغسول جفف بشرتي والكريم المرطب اللي بزيت العباد كان معقول واستعملت ماسك الشعر اللي بزيت الزيتون والبامبو وكا ن تحففففففففففففففففففففففففففففففة وماسك تاني كان لون علبته اخضر في ابيض بس مش فاكرة اسمه واساس جيورداني حلو بس الوانه غامقة ومش عارفة الاقي الفاتح منه والانك لاينر بعد الاستعمال كان بيبهت وجبت البرايمر وكنت مش فاهماه ولا فاهمة نتيجته وشاور جيل اللي بالمانجو والزبادي كان سئ قوي وميلك اند هاني طبعا ريحته الهايلة ومجموعة العناية بالقدم كانت هايلة برضة ومنتجات بادي سيلك بتاعة تاخير نمو الشعر كانت عظيمة ومش فاكرة الباقي بس برضة بعشق الشركة دي

انا بقي بحب جدا بارفان دانسينج ليدي و الانيجما عجبوني قوي و ميدنايت بيرل طلعت حلوة قوي و تستاهل الفلوس بجد

جربت كريم اوبتماليز للعين والهالات والانتفاخات 15 مل كتالوج فبراير تحفه
كريم انيجما للجسم جامد
برفيوم اكلبس هادىء وجميل

انا خلاص تقربيا جربت كل حاجة